1 Cronica 11:20-22

Ang Salita ng Dios (Tagalog Contemporary Bible)

²⁰ Si Abishai na kapatid ni Joab ang pinuno ng 30^[a] matatapang na tauhan ni David. Nakapatay siya ng 300 Filisteo sa pamamagitan ng sibat niya. Kaya naging tanyag siya gaya ng tatlong matatapang na tauhan, ²¹ pero hindi siya kabilang sa kanila. At dahil siya ang pinakatanyag sa 30^[b] niyang kasama, siya ang naging kumander nila.

²² May isa pang matapang na tao na ang pangalan ay Benaya. Taga-Kabzeel siya, at ang ama niya ay si Jehoyada. Marami siyang kabayanihang ginawa, kabilang na rito ang pagpatay sa dalawang pinakamahuhusay na sundalo ng Moab. Minsan, kahit umuulan ng yelo, bumaba siya sa pinagtataguan ng leon at pinatay ito.