1 Cronica 13:8-10

Ang Salita ng Dios (Tagalog Contemporary Bible)

⁸ Buong lakas na nagdiwang si David at lahat ng mga Israelita sa presensya ng Dios. Umawit sila at tumugtog ng mga alpa, lira, tamburin, pompyang at trumpeta.

⁹ Nang dumating sila sa giikan ni Kidon,^[a] hinawakan ni Uza ang Kahon, dahil nadulas ang mga baka. ¹⁰ Nagalit nang matindi ang Panginoon kay Uza dahil hinawakan niya ang Kahon. Kaya namatay siya roon sa presensya ng Dios.