1 Hari 13:15-17

Ang Salita ng Dios (Tagalog Contemporary Bible)

¹⁵ Sinabi niya, “Halika sa bahay at kumain.” ¹⁶ Sumagot ang lingkod ng Dios, “Hindi po ako maaaring bumalik at sumama sa inyo, at hindi rin ako maaaring kumain o uminom kasama ninyo sa lugar na ito. ¹⁷ Sapagkat inutusan ako ng Panginoon na huwag akong kumain ni uminom habang nandito ako at sa pag-uwi koʼy hindi ako dapat dumaan sa dinaanan ko papunta rito.”