1 Hari 6:21-23

Ang Salita ng Dios (Tagalog Contemporary Bible)

²¹ Ang ibang bahagi ng loob ng templo ay pinatakpan din niya ng purong ginto. Nagpagawa siya ng gintong kadena at ipinatali niya ito ng pahalang sa daanan na papasok sa Pinakabanal na Lugar. ²² Kaya natatakpan lahat ng ginto ang loob ng templo, pati na ang altar na nasa loob ng Pinakabanal na Lugar.

²³ Nagpalagay si Solomon sa loob ng Pinakabanal na Lugar ng dalawang kerubin^[a] na gawa sa kahoy na olibo, na ang bawat isa ay 15 talampakan ang taas.