1 Hari 9:10-12

Ang Salita ng Dios (Tagalog Contemporary Bible)

Ang Iba pang Naipatayo ni Solomon^(A)

¹⁰ Matapos na maipatayo ni Solomon ang dalawang gusali – ang templo ng Panginoon at ang palasyo sa loob ng 20 taon, ¹¹ ibinigay niya ang 20 bayan sa Galilea kay Haring Hiram ng Tyre. Ginawa niya ito dahil tinustusan siya ni Hiram ng lahat ng kahoy na sedro at sipres^[a] at ng ginto na kanyang kailangan. ¹² Pero nang pumunta si Hiram sa Galilea mula sa Tyre para tingnan ang mga bayan na ibinigay sa kanya ni Solomon, hindi siya nasiyahan dito.