1 Mga Hari 18:22-24

Ang Biblia (1978)

²² Nang magkagayo'y sinabi ni Elias sa bayan, Ako, ako ^(A)lamang, ang naiwang propeta ng Panginoon; nguni't ang mga propeta ni Baal ay ^(B)apat na raan at limang pung lalake.

²³ Bigyan nga nila tayo ng dalawang baka; at pumili sila sa ganang kanila ng isang baka, at katayin, at ilagay sa ibabaw ng kahoy, at huwag lagyan ng apoy sa ilalim: at ihahanda ko ang isang baka at ilalagay ko sa kahoy, at hindi ko lalagyan ng apoy sa ilalim.

²⁴ At tawagan ninyo ang pangalan ng inyong dios, at tatawagan ko ang pangalan ng Panginoon: at ang Dios na ^(C)sumagot sa pamamagitan ng apoy, ay siyang maging Dios. At ang buong bayan ay sumagot, at nagsabi, Mabuti ang pagkasabi.