1 Mga Hari 3:18-20

Ang Biblia, 2001

¹⁸ Nang ikatlong araw pagkatapos na ako'y makapanganak, ang babaing ito'y nanganak din, at kami ay magkasama. Wala kaming ibang kasama sa bahay, liban sa aming dalawa.

¹⁹ Ang anak ng babaing ito ay namatay kinagabihan sapagkat kanyang nadaganan ito.

²⁰ At siya'y bumangon nang hatinggabi, at kinuha niya ang anak kong lalaki sa tabi ko, samantalang ang iyong lingkod ay natutulog. Inihiga niya ito sa kanyang dibdib, at inilagay ang kanyang patay na anak sa aking dibdib.