1 Mga Hari 8:54-56

Magandang Balita Biblia

Pagbabasbas sa Bayan

⁵⁴ Nakaluhod si Solomon sa harap ng altar ni Yahweh at nakataas ang mga kamay samantalang nananalangin. Nang matapos ang kanyang pananawagan kay Yahweh, ⁵⁵ tumayo siya at sa malakas na tinig ay binasbasan ang buong Israel na nagkakatipon doon. ⁵⁶ “Purihin^(A) si Yahweh! Tinupad niyang lahat ang kanyang mga pangako, at binigyan ng kapayapaan ang bayan niyang Israel. Sa lahat niyang mga pangako kay Moises, wala isa mang nasira.