1 Samuel 1:19-21

Ang Biblia, 2001

Ipinanganak at Itinalaga si Samuel

¹⁹ Kinaumagahan, maaga silang bumangon at sumamba sa Panginoon, pagkatapos ay umuwi sa kanilang bahay sa Rama. At nakilala ni Elkana si Ana na kanyang asawa, at inalala siya ng Panginoon.

²⁰ Sa takdang panahon, si Ana ay naglihi at nanganak ng isang lalaki, at tinawag ang kanyang pangalan na Samuel.^[a] Sapagkat sinabi niya, “Hiningi ko siya sa Panginoon.”

²¹ At ang lalaking si Elkana at ang buong sambahayan niya ay naglakbay upang maghandog sa Panginoon ng taunang alay at upang tuparin ang kanyang panata.