1 Samuel 11:10-12

Ang Biblia (1978)

¹⁰ Kaya't sinabi ng mga lalake sa Jabes, Bukas ay lalabasin namin kayo at inyong gagawin sa amin ang lahat na inyong inaakalang mabuti sa inyo.

¹¹ At naging gayon sa kinabukasan, na inilagay ni Saul ang bayan ^(A)ng tatlong pulutong; at sila'y pumasok sa gitna ng kampamento ^(B)sa pagbabantay sa kinaumagahan at sinaktan ang mga Ammonita hanggang sa kainitan ng araw: at nangyari, na ang mga nalabi ay nangalat, na anopa't walang naiwang dalawang magkasama.

¹² At sinabi ng bayan kay Samuel, ^(C)Sino yaong nagsasabi, Maghahari ba si Saul sa amin? dalhin dito ang mga taong yaon upang aming patayin sila.