1 Samuel 25:17-19

Ang Biblia (1978)

¹⁷ Ngayon nga'y iyong alamin at dilidilihin kung ano ang iyong gagawin; sapagka't ang kasamaan ay ipinasiya na laban sa ating panginoon, at laban sa kaniyang buong sangbahayan: sapagka't siya'y isang ^(A)hamak na tao, na sinoma'y hindi makapakiusap sa kaniya.

Ang pamamagitan ni Abigail. Si David ay nasiyahan.

¹⁸ Nang magkagayo'y nagmadali si Abigail, at kumuha ng ^(B)dalawang daang tinapay, at dalawang balat ng alak, at limang handang tupa, at limang takal ng trigo na sinangag, at isang daang kumpol ^(C)na pasas, at dalawang daang binilong igos, at ipinagpapasan sa mga asno.

¹⁹ At sinabi niya sa kaniyang mga bataan, Magpauna kayo sa akin; narito ako'y susunod sa inyo. Nguni't hindi niya isinaysay sa kaniyang asawang kay Nabal.