1 Timoteo 4:10-12

Magandang Balita Biblia

¹⁰ Dahil dito, nagsisikap tayo^[a] at nagpapagal, sapagkat umaasa tayo sa Diyos na buháy at Tagapagligtas ng lahat ng mga tao, lalo na ng mga sumasampalataya.

¹¹ Ituro mo't ipatupad ang lahat ng ito. ¹² Huwag mong hayaang hamakin ka ninuman dahil sa iyong kabataan. Sa halip, sikapin mong maging halimbawa sa mga mananampalataya, sa iyong pagsasalita, pag-uugali, pag-ibig, pananampalataya at malinis na pamumuhay.