2 Corinto 3:12-14

Ang Bagong Tipan: Filipino Standard Version

¹² Kaya't yamang taglay namin ang gayong pag-asa, napakalakas ng loob namin sa pagsasalita. ¹³ Hindi kami ^(A) katulad ni Moises, na nagtakip ng kanyang mukha upang hindi makatitig ang mga Israelita sa pagtatapos ng kaluwalhatiang naglalaho. ¹⁴ Ngunit nakasara ang kanilang mga pag-iisip, sapagkat hanggang sa araw na ito, kapag kanilang binabasa ang lumang tipan, ang dating talukbong ay naroroon pa rin, sapagkat sa pamamagitan lamang ni Cristo ito maaalis.