2 Cronica 1:5-7

Ang Biblia (1978)

⁵ Bukod dito'y ^(A)ang dambanang tanso na ginawa ni ^(B)Bezaleel na anak ni Uri, na anak ni Hur, ay nandoon sa harap ng tabernakulo ng Panginoon: at doo'y sumangguni si Salomon at ang buong kapisanan.

⁶ At si Salomon ay sumampa roon sa dambanang tanso sa harap ng Panginoon, na nasa tabernakulo ng kapisanan, at ^(C)naghandog ng isang libong handog na susunugin doon.

Ang paghingi ng karunungan.

^7 (D)Nang gabing yaon ay napakita ang Dios kay Salomon, at nagsabi sa kaniya, Hingin mo kung ano ang ibibigay ko sa iyo.