2 Cronica 25:9-11

Ang Biblia (1978)

⁹ At sinabi ni Amasias sa lalake ng Dios, Nguni't anong aming gagawin sa isang daang talento na aking ibinigay sa hukbo ng Israel? At ang lalake ng Dios ay sumagot: Ang Panginoon ay makapagbibigay sa iyo ng mahigit kay sa rito.

¹⁰ Nang magkagayo'y inihiwalay sila ni Amasias, sa makatuwid baga'y ang hukbo na paparoon sa kaniya na mula sa Ephraim, upang umuwi uli: kaya't ang kanilang galit ay totoong nagalab laban sa Juda, at sila'y nagsiuwi na may malaking galit.

¹¹ At si Amasias ay tumapang, at inilabas ang kaniyang bayan, at naparoon ^(A)sa Libis ng Asin, at sumakit sa ^(B)mga anak ni Seir ng sangpung libo.