2 Cronica 30:22-24

Ang Biblia (1978)

²² At si Ezechias ay nagsalitang may kagandahang loob sa lahat na Levita ^(A)sa mga matalino sa paglilingkod sa Panginoon. Sa gayo'y nagsikain sila sa buong kapistahan sa loob ng pitong araw, na nangaghahandog ng mga hain na mga handog tungkol sa kapayapaan, at ^(B)nangagpahayag ng kasalanan sa Panginoon, sa Dios ng kanilang mga magulang.

²³ At ang buong kapisanan ay nagsanggunian upang magdiwang ng ibang ^(C)pitong araw: at sila'y nangagdiwang ng ibang pitong araw na may kasayahan.

²⁴ Sapagka't si Ezechias na hari sa Juda ay nagbigay sa kapisanan ng pinakahandog na isang libong baka at pitong libong tupa; at ang mga prinsipe ay nangagbigay sa kapisanan ng isang libong baka at sangpung libong tupa; at lubhang maraming bilang ng mga saserdote ay ^(D)nangagpakabanal.