2 Hari 16:4-6

Ang Salita ng Dios (Tagalog Contemporary Bible)

⁴ Nag-alay siya ng mga handog at nagsunog ng mga insenso sa mga sambahan sa matataas na lugar, sa ibabaw ng bundok at sa ilalim ng bawat malalagong punongkahoy.

⁵ Nakipaglaban sina Haring Rezin ng Aram at Haring Peka ng Israel kay Ahaz. Nilusob nila ang Jerusalem pero hindi nila ito nasakop. ⁶ Nang panahong iyon, nabawi ni Haring Rezin ng Aram^[a] ang Elat sa pamamagitan ng pagpapalayas niya sa mga mamamayan ng Juda. At pumunta ang mga Arameo^[b] roon para manirahan at doon sila nakatira hanggang ngayon.