2 Hari 19:25-27

Ang Salita ng Dios (Tagalog Contemporary Bible)

²⁵ “ ‘Totoo ngang winasak mo ang mga napapaderang lungsod.
    Pero hindi mo ba alam na matagal ko nang itinakda iyon?
    Mula pa noon, naplano ko na ito at ngayon, ginagawa ko na ito.
²⁶ Ang mga mamamayan ng mga lungsod na iyong nilipol ay nawalan ng lakas. Natakot sila at napahiya.
    Para silang mga damo sa parang na madaling malanta,
    o mga damong tumutubo sa bubungan ng bahay na pagkatapos tumubo ay nalanta rin agad.
²⁷ Pero alam ko ang lahat tungkol sa iyo,
    kung saan ka nananatili, kung saan ka galing, kung saan ka pupunta, at kung gaano katindi ang galit mo sa akin.