2 Mga Hari 15:17-19

Magandang Balita Biblia

Ang Paghahari ni Menahem sa Israel

¹⁷ Nang ikatatlumpu't siyam na taon ng paghahari ni Azarias sa Juda, naging hari ng Israel si Menahem na anak ni Gadi. Siya'y naghari sa Samaria nang sampung taon. ¹⁸ Tulad ni Jeroboam, anak ni Nebat, na nagbulid sa Israel upang magkasala, ginawa rin niya ang mga bagay na hindi kalugud-lugod kay Yahweh.

¹⁹ Sa panahon ni Menahem, ang Israel ay sinalakay ni Haring Pul ng Asiria.^[a] Nagbigay sa kanya si Menahem ng 35,000 kilong pilak upang makuha ang suporta nito sa pagpapalakas ng kanyang paghahari sa Israel.