2 Mga Hari 15:8-10

Ang Biblia (1978)

Ang paghahari ni Zacharias, Sallum, Manahem, Pekaia, at Peka sa Israel.

⁸ Nang ikatatlongpu't walong taon ni Azarias na hari sa Juda, ay naghari sa Israel si Zacharias na anak ni Jeroboam sa Samaria na anim na buwan.

⁹ At siya'y gumawa ng masama sa paningin ng Panginoon, gaya ng ginawa ng kaniyang mga magulang: hindi niya hiniwalayan ang mga kasalanan ni Jeroboam na anak ni Nabat, na kaniyang ipinapagkasala sa Israel.

¹⁰ At si Sallum na anak ni Jabes ay nagbanta laban sa kaniya, at ^(A)sinaktan siya sa harap ng bayan, at pinatay siya, at naghari na kahalili niya.