2 Mga Hari 21:11-13

Ang Biblia (1978)

^11 (A)Sapagka't ginawa ni Manases na hari sa Juda ang mga karumaldumal na ito, ^(B)at gumawa ng kasamaan na higit kay sa lahat na ginawa ng mga Amorrheo, na una sa kaniya, at ipinapagkasala sa Juda naman sa pamamagitan ng kaniyang mga diosdiosan:

¹² Kaya't ganito ang sabi ng Panginoon, ng Dios ng Israel, Narito, aking dadalhin ang ganiyang kasamaan sa Jerusalem at sa Juda, na sinomang makabalita ay ^(C)magpapanting ang dalawang tainga.

¹³ At aking paaabutin sa Jerusalem ang ^(D)pising panukat ng Samaria, at ang pabato ng bahay ni Achab: at aking lilinisin ang Jerusalem gaya ng paglilinis ng isang tao ng isang pinggan, na nililinis at itinataob.