2 Mga Hari 25:27-29

Ang Biblia (1978)

Si Joachin ay pinagmagandahang loob ni Evil-merodach.

²⁷ At ^(A)nangyari nang ikatatlongpu't pitong taon ng ^(B)pagkabihag ni Joachin na hari sa Juda, nang ikalabing dalawang buwan, nang ikadalawangpu't pitong araw ng buwan, na si Evil-merodach na hari sa Babilonia, nang taon na siya'y magpasimulang maghari, ay ^(C)itinaas ang ulo ni Joachin na hari sa Juda sa bilangguan;

²⁸ At siya'y nagsalita na may kagandahang loob sa kaniya, at inilagay ang kaniyang luklukan sa itaas ng luklukan ng mga hari na kasama niya sa Babilonia.

²⁹ At kaniyang pinalitan ang kaniyang damit na pagkabihag. At kumain si Joachin ng tinapay sa harap niya na palagi ^(D)sa lahat ng kaarawan ng kaniyang buhay.