2 Mga Hari 3:21-23

Magandang Balita Biblia

²¹ Nabalitaan ng mga Moabita na nagsama-sama ang tatlong hari upang sila'y digmain. Kaya, tinipon nila ang lahat ng maaaring humawak ng sandata mula pinakabata hanggang pinakamatanda at ipinadala sa labanan. ²² Kinaumagahan, nakita nila ang tubig na kasimpula ng dugo dahil sa sikat ng araw. ²³ Kaya sinabi nila, “Dugo! Marahil ay naglaban-laban ang mga hari at sila-sila'y nagpatayan. Lusubin na natin sila at samsamin ang kanilang ari-arian!”