2 Pedro 1:12-14

Ang Bagong Tipan: Filipino Standard Version

¹² Kaya nga lagi ko kayong pinaaalalahanan tungkol sa mga ito, kahit alam na ninyo ang tungkol dito at matatag na kayo sa mga katotohanang tinanggap ninyo. ¹³ Katunaya'y iniisip kong lagi kayong paalalahanan hangga't nabubuhay ako. ¹⁴ At alam kong hindi na magtatagal at paaalisin na ako sa katawang ito, gaya ng sinabi sa akin ng ating Panginoong Jesu-Cristo.