2 Pedro 2:13-15

Ang Biblia (1978)

¹³ Na nangagbabata ng masama na ^(A)kabayaran ng gawang masama; palibhasa'y inaari nilang isang kaligayahan ang ^(B)magpakalayaw kung araw, ^(C)mga dungis at kapintasan, na nangagpapakalayaw ^(D)sa kanilang mga daya, samantalang sila'y ^(E)nangakikipagpiging sa inyo;

¹⁴ Na may mga matang puspos ng pangangalunya, at hindi maaaring maglikat sa pagkakasala; na umaakit sa mga kaluluwang walang tiyaga; na may pusong sanay sa kasakiman; mga anak ng paglait,

¹⁵ Na pagkaalis sa daang matuwid ay nangaligaw sila, palibhasa'y nagsisunod ^(F)sa daan ni Balaam na anak ni Beor, na nagibig ng kabayaran ng gawang masama;