2 Samuel 11:2-4

Ang Biblia (1978)

² At nangyari sa kinahapunan, na si David ay bumangon sa kaniyang higaan, at lumakad sa ^(A)bubungan ng bahay ng hari: at mula sa bubungan ay kaniyang nakita ang isang babae na naliligo; at ang babae ay totoong napakagandang masdan.

³ At nagsugo si David, at nagpasiyasat tungkol sa babae. At sinabi ng isa, Hindi ba ito ay si ^(B)Bath-sheba na anak ni Eliam, na asawa ni Uria na Hetheo?

⁴ At si David ay nagsugo ng mga sugo, at kinuha siya; at siya'y pumaroon sa kaniya, at ^(C)kaniyang sinipingan siya (sapagka't siya'y malinis sa kaniyang karumihan;) at siya'y bumalik sa kaniyang bahay.