2 Samuel 12:1-3

Magandang Balita Biblia

Ang Mensahe ni Natan para kay David

12 Isinugo^(A) ni Yahweh kay David ang propetang si Natan. Pagdating doon ay sinabi niya, “Sa isang lunsod ay may dalawang lalaki, mayaman ang isa at ang isa'y dukha. ² Maraming kawan at bakahan ang mayaman, ³ samantalang ang dukha ay may isa lamang munting babaing tupa. Inalagaan niya ito at pinalaking kasama ng kanyang mga anak. Kinakalong niya itong parang anak na babae, isinasalo sa pagkain at pinapainom.