2 Samuel 15:12-14

Ang Biblia (1978)

¹² At pinagsuguan ni Absalom si ^(A)Achitophel na Gilonita, ^(B)na kasangguni ni David, mula sa kaniyang bayan, mula sa Gilo samantalang siya'y naghahandog ng mga hain. At mahigpit ang pagbabanta: sapagka't ang bayan na kasama ni Absalom ay dumadami ng dumadami.

Si David ay tumanan mula sa Jerusalem.

¹³ At naparoon ang isang sugo kay David, na nagsasabi, ^(C)Ang mga puso ng mga lalake ng Israel ay sumusunod kay Absalom.

¹⁴ At sinabi ni David sa lahat ng kaniyang mga lingkod na nasa kaniya sa Jerusalem, magsibangon kayo, ^(D)at tayo'y magsitakas; sapagka't liban na rito ay walang makatatanan sa atin kay Absalom: mangagmadali kayo ng pagtakas, baka sa pagmamadali ay abutan tayo, at dalhan tayo ng kasamaan, at sugatan ang bayan ng talim ng tabak.