2 Samuel 6:21-23

Ang Salita ng Dios (Tagalog Contemporary Bible)

²¹ Sinabi ni David kay Mical, “Ginawa ko iyon sa presensya ng Panginoon na pumili sa akin kapalit ng iyong ama o ng kahit sino pa sa angkan niya. Pinili niya akong mamahala sa mga mamamayan niyang Israelita kaya ipagpapatuloy ko ang pagsasaya sa presensya ng Panginoon. ²² At kahit na nakakahiya pa ang gagawin ko para sa pagdiriwang ng Panginoon, gagawin ko pa rin ito. Kahiya-hiya ako sa paningin mo^[a] pero marangal ako sa paningin ng mga babaeng alipin na sinasabi mo.”

²³ Dahil dito, hindi nagkaanak si Mical hanggang sa mamatay siya.