2 Corinthians 3:7-11

Maori Bible

⁷ Na, mehemea te minitatanga o te mate i tuhituhia nei, i whaoa nei ki nga kohatu, i puta kororia mai, i kore ai e taea e nga tama a Iharaira te titiro matatau atu ki te mata o Mohi i te kororia o tona mata; he kororia ia e memeha ana:

⁸ E kore ianei e nui noa atu te kororia o te minitatanga o te wairua?

⁹ Na, mehemea te minitatanga o te whakatau he he kororia, heoi hira rawa atu te kororia o te minitatanga o te tika.

¹⁰ He pono hoki, kahore te mea i whakakororiatia i whai kororia i tenei wahi, ara na te kororia e hira rawa nei.

¹¹ Mehemea hoki he kororia to te mea e memeha ana, nui noa atu te kororia o te mea pumau.