2 Timoteo 2:1-4

Magandang Balita Biblia

Ang Mabuting Kawal ni Cristo Jesus

2 Kaya nga, anak ko, magpakatatag ka sa tulong ng kagandahang-loob ni Cristo Jesus. ² Ang mga narinig mo sa akin sa harap ng maraming saksi ay ipagkatiwala mo rin sa mga taong may katapatan at may kakayahang magturo naman sa iba.

³ Makibahagi ka sa hirap tulad ng isang mabuting kawal ni Cristo Jesus. ⁴ Ang isang kawal ay hindi nagiging abala sa mga bagay na walang kaugnayan sa pagiging kawal; sa halip, sinisikap niyang mabigyan ng kasiyahan ang kanyang pinuno.