Awit ng mga Awit 2:7-9

Ang Biblia, 2001

⁷ O mga anak na babae ng Jerusalem, kayo'y aking pinagbibilinan,
    alang-alang sa mga usang lalaki at babae sa kaparangan,
na huwag ninyong pukawin, o gisingin man ang pagmamahal,
    hanggang sa kanyang maibigan.

⁸ Ang tinig ng aking giliw!
    Narito, siya'y dumarating,
palukso-lukso sa mga bundok,
    palundag-lundag sa mga burol.
⁹ Ang aking sinta ay gaya ng usa
    o ng batang usa.
Tingnan mo, siya'y nakatayo
    sa likod ng aming bakod,
sa mga bintana'y sumisilip,
    sa mga durungawa'y nagmamasid.