Awit ng mga Awit 5:9-11

Ang Biblia, 2001

⁹ Ano ang iyong mahal na higit kaysa ibang mahal,
    O ikaw na pinakamaganda sa mga babae?
Ano ang iyong mahal na higit kaysa ibang mahal,
    na gayon ang iyong bilin sa amin?

¹⁰ Ang aking minamahal ay maningning at mamula-mula,
    na namumukod-tangi sa sampung libo.
¹¹ Ang kanyang ulo ay pinakamainam na ginto;
    ang bungkos ng kanyang buhok ay maalon-alon
    at kasing-itim ng uwak.