Awit ng mga Awit 6:1-3

Ang Biblia, 2001

6 Saan pumaroon ang iyong minamahal,
    O ikaw na pinakamaganda sa mga babae?
Saan nagtungo ang iyong minamahal,
    upang siya'y aming hanapin na kasama mo?

² Ang sinisinta ko'y bumaba sa kanyang halamanan,
    sa mga pitak ng mga pabango,
upang ipastol ang kanyang kawan sa mga halamanan,
    at upang mamitas ng mga liryo.
³ Ako'y sa aking mahal, at ang mahal ko ay akin;
    ipinapastol niya ang kanyang kawan sa gitna ng mga liryo.