Awit ng mga Awit 7:10-12

Ang Biblia, 2001

¹⁰ Ako'y sa aking minamahal,
    at ang kanyang pagnanasa ay para sa akin.
¹¹ Halika, sinta ko,
    pumunta tayo sa mga bukid,
    manirahan tayo sa mga nayon;
¹² magtungo tayo nang maaga sa mga ubasan,
    at tingnan natin kung may buko na ang puno ng ubas,
kung ang kanyang mga bulaklak ay bumuka na,
    at kung ang mga granada ay namumulaklak.
Doo'y ibibigay ko sa iyo ang aking pag-ibig.