Awit ng mga Awit 8:2-4

Ang Biblia, 2001

² Aking aakayin ka at dadalhin kita
    sa bahay ng aking ina,
    at sa silid niya na naglihi sa akin.
Aking paiinumin ka ng hinaluang alak,
    ng katas ng aking granada.
³ Ang kanyang kaliwang kamay sana ay nasa ilalim ng aking ulo,
    at ang kanyang kanang kamay ay nakayakap sa akin!
⁴ Pinagbibilinan ko kayo, O mga anak na babae ng Jerusalem,
    na huwag ninyong pukawin o gisingin man ang pagmamahal,
    hanggang sa kanyang maibigan.