Awit ni Solomon 1:9-11

Magandang Balita Biblia

⁹ Saan ko ba itutulad ang gayuma mo, aking hirang?
    Sa kabayo ng Faraon, anong ganda kung pagmasdan!
¹⁰ Mga pisnging malalambot, may balani, may pang-akit,
    na lalo pang pinaganda ng pahiyas na naglawit.
Ang nililok na leeg mo, kung masdan ko'y anong rikit,
    lalo na nga kung may kuwintas na doon ay nakasabit.
¹¹ Ika'y aming igagawa ng kuwintas na gintong lantay,
    palamuting ikakabit ay pilak na dinalisay.