Awit ni Solomon 5:8-10

Magandang Balita Biblia

⁸ Mga dilag ng Jerusalem, ipangako ninyo sa akin
    kung mahal ko ay makita sa kanya sana'y sabihin,
    “Iyong sinta'y nanghihina, pag-ibig mo'y hanap niya.”

⁹ O babaing napakaganda, bakit di mo ilarawan
    hinahanap mong lalaki na sabi mo'y iyong mahal?
Sa amin ay sabihin mo kaiba niyang katangian,
    na dahilan ng bilin mo't mahigpit na panambitan.

¹⁰ Ang irog ko ay makisig, matipuno ang katawan,
    sa sanlibo ay siya lang ang may gayong katangian.