Awit ni Solomon 7:1-3

Magandang Balita Biblia

7 Ang paa mong makikinis,
    O babaing tila reyna,
ang hugis ng iyong hita, isang obra maestra.
² Ang pusod mo'y anong rikit, mabilog na tila kopa,
    laging puno niyong alak na matamis ang lasa.
Balakang mo'y mapang-akit, bigkis-trigo ang kapara,
    ang paligid ay tulad ng mga liryong kay gaganda.
³ Ang iyong dibdib, O giliw, parang kambal na usa,
    punung-puno pa ng buhay, malulusog, masisigla.