Bilang 12:7-9

Ang Salita ng Dios (Tagalog Contemporary Bible)

⁷ Pero hindi ako ganoon makipag-usap ako sa aking lingkod na si Moises na mapagkakatiwalaang pinuno ng aking mga mamamayan. ⁸ Kung makikipag-usap ako sa kanya, parang magkaharap lang kami dahil ang aking sinasabi sa kanya ay malinaw talaga. Parang nakikita niya ako. Kaya bakit hindi kayo natakot magsalita ng masama laban sa aking lingkod na si Moises?”

⁹ Nagalit ang Panginoon sa kanila, at umalis siya.