Daniel 11:21-23

Magandang Balita Biblia

Ang Masamang Hari ng Siria

²¹ “May lilitaw na isang malupit at kinapopootang tao na gustong maging hari. Ngunit hindi ibibigay sa kanya ang karapatan sa trono. Kaya, bigla niyang aagawin ang kaharian sa pamamagitan ng pandaraya at katusuhan. ²² Gagapiin niya at dudurugin ang mga hukbong sandatahan pati ang Dakilang Pari. ²³ Makikipagkasundo siya sa maraming mga bansa, ngunit dadayain niya ang mga ito. Bagama't kakaunti ang kanyang mga tauhan, siya ay magiging makapangyarihan.