Daniel 11:40-42

Ang Salita ng Dios (Tagalog Contemporary Bible)

⁴⁰ “Pagdating ng wakas, makikipaglaban ang hari ng timog sa hari ng hilaga. Pero lulusubin siya ng hari ng hilaga na may mga karwaheng pandigma, mga nangangabayong sundalo at mga hukbong pandagat. Lulusubin niya ang maraming bansa at maninira na parang baha. ⁴¹ Lulusubin niya pati ang magandang lupain ng Israel, at maraming tao ang mamamatay. Pero makakatakas ang Edom, ang Moab at ang mga pinuno ng Ammon. ⁴² Maraming bansa ang kanyang lulusubin, kabilang dito ang Egipto.