Daniel 3:23-25

Ang Biblia (1978)

²³ At ang tatlong lalaking ito, si Sadrach, si Mesach, at si Abed-nego, ay nagsibagsak na nagagapos sa gitna ng mabangis na hurnong nagniningas.

²⁴ Nang magkagayo'y si Nabucodonosor na hari ay nagtaka, at tumindig ^(A)na madali: siya'y nagsalita at nagsabi sa ^(B)kaniyang mga kasangguni, Di baga ang ating inihagis ay tatlong gapos na lalake sa gitna ng apoy? Sila'y nagsisagot, at nangagsabi sa hari, Totoo, Oh hari.

²⁵ Siya'y sumagot, at nagsabi, Narito, aking nakikita ay apat na lalake na hindi gapos na nagsisilakad sa gitna ng apoy, at sila'y walang paso; at ang anyo ng ikaapat ay kawangis ng isang ^(C)anak ng mga dios.