Daniel 4:14-16

Ang Salita ng Dios (Tagalog Contemporary Bible)

¹⁴ Sumigaw siya, ‘Putulin ninyo ang punongkahoy na iyan at ang mga sanga nito. Alisin ang mga dahon nito at itapon ang mga bunga. Bugawin ninyo ang mga hayop na sumisilong at ang mga ibon na namumugad sa mga sanga nito. ¹⁵ Pero hayaan ninyo ang tuod sa gitna ng kaparangan para maging talian ng bakal at tanso.’

“Ang taong sinisimbolo ng punong iyon ay laging mababasa ng hamog at kakain ng damo kasama ng mga hayop. ¹⁶ Sa loob ng pitong taon ay mawawala siya sa katinuan at magiging isip-hayop.