Deuteronomio 32:48-52

Magandang Balita Biblia (with Deuterocanon)

Ipinatanaw kay Moises ang Canaan

⁴⁸ Nang^(A) araw ring iyon, sinabi ni Yahweh kay Moises, ⁴⁹ “Umakyat ka sa Abarim, sa Bundok ng Nebo na sakop ng Moab, sa tapat ng Jerico, at tanawin mo ang Canaan, ang lupaing ibibigay ko sa mga Israelita. ⁵⁰ Doon ka mamamatay sa bundok na iyon tulad ng nangyari kay Aaron sa Bundok ng Hor, ⁵¹ sapagkat sinuway ninyo ako sa harapan ng bayang Israel noong sila'y nasa tabi ng tubig sa Meriba-kades sa ilang ng Zin. Hindi ninyo pinakita sa mga Israelita na ako ay banal. ⁵² Matatanaw mo ang lupaing ibibigay ko sa bayang Israel ngunit hindi mo ito mararating.”