Deuteronomio 1:19-21

Ang Biblia (1978)

Ang pagpapadala ng mga tiktik.

¹⁹ At tayo ay naglakbay mula sa Horeb ^(A)at ating tinahak yaong buong malawak at kakilakilabot na ilang na inyong nakita, sa daang patungo sa lupaing maburol ng mga Amorrheo, na gaya ng iniutos ng Panginoon nating Dios sa atin, ^(B)at tayo'y dumating sa Cades-barnea.

²⁰ At aking sinabi sa inyo, Inyong narating ang lupaing maburol ng mga Amorrheo na ibinibigay sa atin ng Panginoon nating Dios.

²¹ Narito, inilalagay ng Panginoon ninyong Dios ang lupain sa harap mo: sampahin mo, ariin mo, na gaya ng sinalita sa iyo ng Panginoon, ng Dios ng iyong mga magulang; ^(C)huwag kang matakot, ni manglupaypay.