Deuteronomio 11:8-10

Ang Salita ng Dios (Tagalog Contemporary Bible)

⁸ “Kaya sundin ninyo ang lahat ng utos na ibinibigay ko sa inyo ngayon para may lakas kayo sa paglalakbay at sa pag-agaw ng lupain sa kabila ng Jordan. ⁹ Kung susunod kayo, mabubuhay kayo nang matagal doon sa maganda at masaganang lupain^[a] na ipinangako ng Panginoon na ibibigay sa inyong mga ninuno at sa kanilang mga salinlahi. ¹⁰ Sapagkat ang lupain na aangkinin at titirhan ninyo ay hindi gaya ng lupain sa Egipto na pinanggalingan ninyo. Doon sa Egipto, kapag magtatanim kayo, magpapakahirap pa kayo ng todo sa pagpapatubig nito.