Deuteronomio 31:20-22

Ang Salita ng Dios (Tagalog Contemporary Bible)

²⁰ Dadalhin ko sila sa maganda at masaganang lupain^[a] na ipinangako kong ibibigay sa kanilang mga ninuno. Doon, mabubuhay sila nang masagana; kakain sila ng lahat ng pagkaing gusto nila, at mabubusog sila. Pero tatalikuran nila ako at sasamba sa ibang mga dios. Susuwayin nila ang aking kasunduan. ²¹ Kung dumating na sa kanila ang maraming kapahamakan at mga kahirapan, ang awit na ito ang magiging saksi laban sa kanila, sapagkat hindi ito malilimutan ng kanilang mga lahi. Nalalaman ko kung ano ang pinaplano nilang gawin kahit na hindi ko pa sila nadadala sa lupaing ipinangako ko sa kanila.” ²² Sa araw na iyon, isinulat ni Moises ang awit at itinuro sa mga Israelita.