Deuteronomio 32:10-12

Ang Biblia (1978)

¹⁰ Kaniyang nasumpungan ^(A)sa isang ilang sa lupain,
At sa kapanglawan ng isang umuungal na ilang;
Kaniyang kinanlungan sa palibot, kaniyang nilingap,
^(B)Kaniyang iningatang parang salamin ng kaniyang mata:
^11 (C)Parang aguila na kumikilos ng kaniyang pugad,
Na yumuyungyong sa kaniyang mga inakay,
Kaniyang ibinubuka ang kaniyang mga pakpak, kaniyang kinukuha,
Kaniyang dinadala sa ibabaw ng kaniyang mga pakpak:
¹² Ang Panginoon na magisa ang pumatnubay sa kaniya,
At walang ibang dios na kasama siya.