Efeso 3:4-6

Ang Salita ng Dios (Tagalog Contemporary Bible)

⁴ Habang binabasa nʼyo ang sulat kong ito,^[a] malalaman nʼyo ang pagkakaunawa ko tungkol sa lihim na plano ng Dios para sa inyo sa pamamagitan ni Cristo. ⁵ Hindi inihayag ng Dios ang planong ito sa mga tao noon, pero ipinahayag na niya ngayon sa mga banal^[b] na apostol at mga propeta sa pamamagitan ng Banal na Espiritu. ⁶ At ito nga ang plano ng Dios: na sa pamamagitan ng Magandang Balita, ang mga hindi Judio ay tatanggap ng mga pangako ng Dios kasama ng mga Judio, at magiging bahagi rin sila ng iisang katawan dahil sa pakikipag-isa nila kay Cristo Jesus.